Daniel Lam Concert Tour 2008 最後一站 The Tour of Misia ~ Discotheque Asia ~ 第一次喺演唱會坐第一行  (有眼神接觸，兼接到飛吻  ) 第一次喺演唱會度玩大波波 第一次喺演唱會接到台上掟落黎嘅禮物!!!!!!! 第一次傻傻地咁走去買啲呃錢演唱會紀念品~~~~~ 呢個CONCERT實在太好睇啦!! 自己都可以話差唔多從來未試過咁投入睇一個CONCERT。全場都企起身(o個幾隻慢歌除外)拍手跳舞，全場冇睇過一次錶，嗌MISIA嗌到聲都沙~~~~~ MISIA即係MISIA，一個直直正正嘅DIVA，一個我最愛嘅日本歌手，不枉我恨睇佢演唱會恨睇左咁多年，不枉我咁搏盡買貴飛睇第一行.... 慢版情歌真係MISIA嘅代表作.....每一首嘅音色都處理得咁好，每一首都咁感情豐富地唱...... 由麥克風傳到耳邊的天籟之音，令我沉溺、沉醉、沉澱、沉沒....... 無錯，真係好聽到差啲暈低 冇錯，快歌並唔係我愛上MISIA嘅原因，而佢昨晚冇唱好多經典嘅情歌代表作(or變左remix) 的確令我同好多觀眾有啲失望......但，喺燈光、音響，同埋閃閃嘅水晶球底下，ARENA會場真係如題好似變左間DISCO咁.....我雖然肯定跳得好鬼核突，但都好賣力咁拍手、跳舞......跳到身水身汗，跳到今日週身痛......原來去DISCO....除左係一個劇烈運動之外.....真係幾好玩  從MISIA唱歌、表演同埋言語之間，都睇得出佢好熱愛音樂。佢話音樂係international language真係一啲都冇錯..... 透過音樂同舞步，真係可以打破語言嘅障礙，將唔同國家嘅人連成一線。有人話MISIA呢個名係等於MUSIC ASIA...... MISIA, 你做到了! 呢個演唱會，幫我喺今年嘅CONCERT TOUR 劃上完美嘅句號。(照片後補) 附錄: CONCERT TOUR 2008 各站 1. 一月 - 容祖兒 Starlight 演唱會 2. 二月 - Lea Salonga 香港演唱會 3. 六月 - 酷愛張敬軒演唱會 4. 八月 - 王菀之拉闊變奏廳 5. 九月 - 濱崎步 A Anniversary亞洲巡迴演唱會 - 香港站 6. 九月 - 王菀之我來自火星演唱會 7. 十月 - MISIA DISCOTHEQUE ASIA 亞洲巡迴演唱會 - 香港站
後記：呢次演唱會實在太好睇，今日真係有啲失落，好唔捨得MISIA..... MISIA: I want to come back and sing again here in Hong Kong 我地等你返黎~~~~~ | 
............
